Apostilimi i Dokumenteve
Shërbim apostilimi në Tiranë
Në zyrën tonë noteriale në Tiranë ofrojmë një shërbim të plotë dhe të personalizuar për pajisjen e dokumenteve me apostilë, në përputhje me Konventën e Hagës.
Ju asistojmë në disa gjuhë në çdo hap të procesit, nga noterizimi, te përkthimi zyrtar nga përkthyes të licencuar, deri te pajisja me apostilë, duke bashkëpunuar ngushtë me institucionet përkatëse.
Çfarë është një apostilë?
Apostila është një vulë ndërkombëtare që vërteton vlefshmërinë e një dokumenti për përdorim jashtë vendit, në të gjitha shtetet që janë pjesë e Konventës së Hagës. Ky proces zëvendëson legalizimin konsullor për këto vende dhe është i domosdoshëm për njohjen ndërkombëtare të dokumenteve shqiptare.
Kur kërkohet apostilimi?
Shërbimi është i vlefshëm si për individë, ashtu edhe për biznese që kanë nevojë të përdorin dokumente zyrtare jashtë Shqipërisë. Pranojmë dokumente personale, akademike, juridike dhe tregtare, në përputhje me kërkesat e institucioneve të huaja.
Dokumentet kryesore që kërkojnë apostilim janë:
- certifikata lindjeje, vdekjeje, martese, gjendjes familjare ose e shëndetit;
- prokura noteriale;
- diplomë dhe suplement shkolle/universiteti;
- kontrata dhe vendime gjyqësore;
- dokumente për ambasada ose institucione ndërkombëtare.
Përfaqësimi me prokurë
Për klientët që ndodhen jashtë vendit ose nuk kanë mundësi të jenë fizikisht të pranishëm, ofrojmë përfaqësim me prokurë të posaçme, duke ndjekur të gjithë procedurën në emër të tyre.
Dokumentet e apostiluara mund të tërhiqen në zyrë ose të dërgohen me postë të sigurt, sipas kërkesës së klientit, si brenda territorit shqiptar, ashtu edhe jashtë shtetit.
Pasi të jenë përfunduar të gjitha fazat dhe të jetë marrë apostila, dokumentet ju dorëzohen drejtpërdrejt, me kujdes dhe profesionalizëm maksimal.
Na kontaktoni sot për të rezervuar një takim në zyrën tonë në Tiranë dhe për të marrë asistencën ligjore dhe noteriale që meritoni.